胡楓出年開紅館騷　薛家燕自薦跳十字步

藝人胡楓（修哥）最後一晚為《流行經典50年》擔任主持，將由薛家燕歸位擔任主持。薛家燕向修哥送花以示答謝，修哥則回敬香吻。

薛家燕受訪表示半年前因要巡迴演出找來修哥主持節目，現時輪到修哥要為明年演唱會準備，故她回歸擔任主持。她說：「我哋喺呢行都算係前輩，希望延續畀新人多啲機會，為樂壇帶來一個凝聚。黎小田都有呢個意願，所以我哋要秉承佢嘅意願，努力支持落去。」

修哥透露將於出年五月尾舉行紅館演唱會暫定兩場，薛家燕大讚修哥厲害明年將以88歲高齡再可踏紅館，也是一個紀錄，她更自薦做嘉賓笑說：「有冇需要幫手，我哋可一齊跳十字步。」問到是否已邀請巨星契仔契女度期演出？他笑說：「呢啲交畀主辦單位負責，我淨係一心做好個騷。」