最鍾意收埋自己　羅天宇畀劉穎鏇改變咗

藝人羅天宇早前為無綫新劇《大步走》開工，今次與多位實力派演員合作，包括姚子羚、陳山聰和蔣志光等，他指角色與其性格相似：「都係講我唔係好鍾意承受別人嘅目光，比較收埋自己，同埋活喺自己嘅世界入面，直至遇到劉穎鏇呢個女仔先有改變，因為佢好陽光同開朗，對比我就有一個好大嘅反差。」

他又直言角色能表現真我：「自己都幾鍾意，因為可以成日活喺自己嘅世界，好開心同埋保持一顆真誠嘅心，唔需要理會人哋嘅睇法，喺現實中好難做到。」