養尊處優!袁詠儀打回「圓」形驚現三下巴

2019年12月20日 00:01
東網電視
更多新聞短片
唔係雙下巴,係三下巴…
藝人袁詠儀(靚靚)數月前因拍攝電影,花了近兩個月時間,靠運動及食營養餐減肥,成功減近20磅。一向與老公張智霖恩愛的她,當時笑老公有很大壓力,要減埋一份,還指他肥到似「叮噹」般圓潤。消瘦不少的靚靚早前大晒弗爆身材,激罕於社交網上載比堅尼的索爆相,不少網友讚她性感誘人。
化身低頭族
不過事隔數月,靚靚的身形似乎打回「圓」形!早前她與兒子張慕童慶祝13歲生日後,日前撇下愛兒,獨自往中環行街。見她戴黑超遮素顏,於該處名店穿梭一輪,但兩手空空離開。等過馬路時,她化身低頭族,頻頻甜甜笑撳電話,似與老公電話傳情,講到忘形的她驚現三下巴,即時引來途人目光。
做阿四買朱古力
之後她急急腳過馬路,步入附近一間朱古力店,手指指揀了大包朱古力後,又不停嘴嘟嘟講電話,逐一報告朱古力味道,似乎是寶貝仔「遙控」她做跑腿。最終靚靚買了兩大包朱古力離開,步出時見記者拍照,她即笑笑口打招呼,態度友善。