隨時生得！王陽明摸太太巨肚迎接BB來臨

台灣藝人王陽明與太太蔡詩芸2015年結婚，一直渴望有小朋友，9月終於宣布造人成功，至今太太已懷孕37周，預產期為兩星期後。

今日王陽明上載兩張同太太影嘅黑白孕照，留言：「Mommy and Daddy are ready for you my little one...（媽媽、爸爸準備好你的來臨）」表示期待BB出世，相中王陽明摸住太太巨肚、輕吻額頭，畫面勁溫馨。

此外，王陽明日前亦晒出同太太去海灘嘅照片，大讚着上三點式嘅太太係「Sexy Mamma」！同樣快將成為媽媽嘅梁靖琪留言讚「超美的一對」祝賀，而上年榮升爸爸嘅李璨琛亦留言「歡迎加入爸爸俱樂部」。