报答家人！周柏豪揽晒上身孭起3头家

艺人周柏豪主演的无綫剧集《多功能老婆》出街后，赢尽口碑及收视，柏豪演的Oppa浩田深入民心，令他去超市也被师奶围住集邮，就连在荒山野岭行山，也被陌生婆婆问：“你咪系拍戏嗰个周柏豪？”令他终体会到拍剧入屋的力量：“系好开心嘅，感受到一种无形嘅肯定。”会否继续拍剧？他希望至少一年一剧，若时间配合一年两剧亦不抗拒。对于说到电视奖项，他称只想剧集赢得奖项，有感演技仍有进步空间，夺“男主角奖”实在是言之过早。

肩负基本责任

他是众人Oppa，在家中则是太太和爱女的“暖爸”，他以3千多万买清水湾豪宅建安乐窝，既养妻活儿又要供楼，经济压力岂不很大？他坦言：“一定系大，但我好有照顾人嘅心，成个屋企、父母，大家都要生活得开心，好多嘢我冇计。”

不只照顾自己头家？他说：“系㗎，阿爸阿妈、岳父岳母。（3头家？）对于我嚟讲系好基本嘅责任，有时阿妈甚至岳母都话唔使照顾佢哋，因除咗我仲有其他兄弟姐妹，但我觉得我有能力就应该做，话就话3个屋企，对我嚟讲系同一个单位，以前拍拖时成日上去女友屋企食饭，岳母买餸都系钱啦，我冇计，反而系佢哋同我计，佢哋叫我唔好揽晒啲嘢上身，叫我唔使畀咁多家用，但我有能力梗要报答佢哋。”

太太排第一位

至于家中小公主当然集万千宠爱，而他也十分细心照料产后的太太：“一定系顾咗太太先，BB可以放第二，因为BB未识感受，但太太唯一一个帮到佢嘅系我，心灵上可以安慰佢、陪住佢，佢要乜我都尽量畀佢。（想见你多啲？）系呀，我系佢一个好大支持，尤其我跟佢入手术室，佢系开刀，所以身体的伤口、复原时间比顺产差好多。（再追多个？）一切睇太太，佢话好开心，亦好感恩，佢都想继续生，但身体依家仲好痛，所以，佢唔想就唔想，到佢想就同佢建立呢件事。”