被放飛機勁慘情！謝文欣聖誕佳節傷透心

星夢歌手謝文欣日前出席活動，着上短裙的她大騷招牌長腿，講到聖誕節將至，她表示會做孝順女跟家人一起度過，又自爆在聖誕節曾被傷透心！她回想當時被心上人「放飛機」而孤零零過Lonely Christmas：「好多年前我約咗個男仔一齊倒數，當時同佢嘅關係都幾撲朔迷離，點知倒數嗰晚佢唔聽電話，搞到我自己一個人喺條街倒數，之後佢終於聽電話，話同朋友一齊食嘢，唔記得約咗我，當時勁hurt！但又唔想畀屋企人知我畀人放飛機，最後自己喺條街度hea到好夜先返屋企。」