孖Deer拍住上　Rose Ma減肥唔瘦胸

藝人馬俊怡（Rose Ma）與前香港第一電競女子隊隊長陳嘉靖（Deer）到旺角出席活動。已「退役」的Deer對電競活動仍甚為熱愛，難怪她近日與Rose組成組合「指鹿為馬」，稍後將以姊妹檔推廣電競。Deer表示之前的3年在香港比賽，均取得滿意成績，而日後將主力做推廣，Rose則自嘲：「我鍾意打機但唔叻，之後我哋會做遊戲代言、直播打機同埋拍片放上社交平台，而且會為一啲女粉絲解答電競運動問題。」

Rose又透露自己已減肥一段時間：「寫真集前已一直做運動節食，而且每日做兩粒鐘運動，不過近日回彈咗2公斤。（得天獨厚減肥冇縮上圍？）冇，仲着到之前嘅胸圍，做運動減唔一定瘦上圍，反而唔食嘢就縮上圍嘞。」