陳嘉寶囡囡化身小熊維尼　腳晾阿媽膊頭

靚媽陳嘉寶（Anjaylia）第一年以媽咪身份過聖誕節，尋日佢就帶埋囡囡Hosanna同好友蔡穎恩及林皓霆去主題公園玩！三人大玩旋轉木馬，又Chok爆影相、喺聖誕樹前開心合照！不過亮點就落喺Hosanna身上，事關佢着上小熊維尼衫，仲將腳「晾」喺媽咪膊頭，非常霸氣！雖然Anjaylia貫徹低調作風，只晒出囡囡嘅背面照，不過已經覺得好可愛，Anjaylia以英文留言：「呢個係充滿愛同奇迹嘅夢幻地方，同我愛嘅人提早度過咗一個非常美好嘅聖誕假期。」