掟煲留番個蓋　張沛樂：我都好錫林耀聲

藝人張沛樂（沙律）出席首映禮，說到與林耀聲分手回復單身，她自嘲起來：「今年要唱番首《Lonely Christmas》！（習慣一個人未？）OK吖，第一次自己搬出嚟住。（分咗手幾耐？）兩個月。（拍咗拖咁耐會唔會好可惜？）可惜又唔會，人大咗明白咗，但我哋都有聯絡嘅，仲係朋友傾偈，我都好錫佢，都仲有感情，我哋係和平分手。」

問可有復合機會？沙律又好堅定地說：「唔會啦！（咁絕情？）因為我性格唔會，人應該向前行，咁做呢個決定都唔係衝動嘅，知道自己想要嘅，明白條路點行，見佢依家幾好，好開心呀，我又好開心吖！」問現在可有追求者？她坦言：「一定有㗎啦！（真係好有自信？）但我真係唔諗拍拖住，唔考慮住，始終分手兩個月啫，唔使咁快，其實單身都辛苦㗎，自己要變成女漢子，去專心工作，但都想有人喺身邊支持，所以，依家要學獨立，唔好太依賴人。」