蔡思貝騷線　陳瀅開心孖「老公」過節甜晒

藝人蔡思貝同陳瀅、賴慰玲一向情同姊妹，而思貝同賴慰玲知道陳瀅嘅家人喺晒外國，所以大家相約一齊過節。思貝就喺網上晒出三人面貼面合照，見佢仲晒出亮眼事業線，留言表示雖然大家冇血緣關係，但彼此信任大家：「珍惜我哋呢段情誼，陳瀅你香港冇屋企人我哋做你屋企人。」陳瀅除咗有思貝同慰玲陪伴外，原來另外兩個好姊妹 何雁詩同劉佩玥亦有相約陳瀅見面，而陳瀅嘅「老公」Howie亦有一同出席聚會，睇嚟佢都已經融入女方嘅朋友圈喎！