赴日公幹後出事!黃紫盈跌落樓梯勁牙煙

2019年12月24日 19:34
東網電視
更多新聞短片
黃紫盈早前獲邀到東京工作。
主持黃紫盈早前獲邀到日本東京為化妝品牌的Pop-up Store開幕擔任司儀,大晒流利的英、日語和普通話,經常去日本的她,對品牌在日本機場內開設Pop-up Store,大讚有型兼有心思,她說:「呢度有好多跟『旅遊+美妝』相關嘅互動裝置,我特別鍾意嗰度有個同實物一樣大嘅飛機機頭裝飾,影相呃Like最啱!我仲向駐場嘅日本星級化妝師偷師,學吓旅行化妝秘技!」她說經常出Trip拍節目關係,有幾招「快靚正」化妝秘技傍身十分重要,望隨時保持狀態,踢走攰樣。現場她認識了內地模待兒伊然,互相交流扮靚心得。
冇拗柴勁神奇
完成工作後,她又在東京多留數天,約朋友行街看燈飾,實行提早度聖誕。期間不慎跌落樓梯,但神奇地沒有拗柴,她說:「唔知點解滑一滑,跌一跌,不自覺地膝頭向下慢慢地滑落地,小腿好似滑板咁,卸力滑落樓梯,雙腳先至冇拗柴,只係小腿瘀晒。」她笑言可能以前學柔道關係,本能反應識跌、識卸力:「又可能平日行路成日好易自己Click自己,有種自我保護模式啩!」