黃心穎平安夜發功　求畀機會想重新做人？

因偷食人夫搞到形象破產嘅藝人黃心穎敗走美國避世，月中時佢終於都返咗香港，之後一直暱喺屋企冇出嚟見人，早幾日佢喺社交網Po咗張着住睡衣晒腿裝飾聖誕樹嘅相，仲發文暗指會復出。尋晚平安夜佢又發功更新社交網，都係搵棵聖誕樹做背景，今次加多隻公仔排排坐同佢一齊合照，張相寫有「Merry christmas to all , and to all a good night.」佢仲留言：「We all become a child again at Christmastime. ?」字面解釋就係大家喺聖誕節都會再次變成小朋友，內裏意思唔知係咪暗示，喺咁Amazing嘅日子想大家放低佢嘅過去，畀次機會佢重新做人？而黃心穎今日又再晒佢穿上聖誕裝束嘅愛犬。