躁到爆粗　麥浚龍挑戰難度零下25度拍戲

歌手麥浚龍（Juno）出席電台訪問，他表示正埋首電影《風林火山》的特技製作，亦要準備出席影展的事，所以，未來工作都是電影、劇本及唱片的工作。講到《風林火山》，Juno不得不提拍攝最後一場雪山戲，他謂：「點解要提呢場戲，因為原來喺氣溫-25度下拍一場戲，會係一個重新嘅學習，就算有一個好有經驗嘅電影人喺呢個環境下拍戲，都會做到爆粗，因為好多電子儀器都會唔work，連電話都會冇電，令你變番最原始嘅。」

Juno稱身處這種天氣下，團隊是拍了一個月，艱難情況可想而知：「我哋所有人都係企喺雪山到凍，因為要拍夜景，會發現濕咗水嘅手係立即會結冰，就連想抺玻璃窗上面嘅水點，係要用火槍燒熔咗個粒冰點先抺到，所以當要拍爆血漿彈，當血漿彈爆開後，啲血漿跌到落地已經成冰。」