延續快樂！王祖藍李亞男自掏腰包搞童樂日

藝人王祖藍與太太李亞男早前自掏腰包舉行聖誕「童樂日」與小朋友慶祝冬至及聖誕節，他們更邀請了好友阮兆祥、細細粒（陳嘉佳）、梁嘉琪、兒童節目主持人Sunny哥哥齊齊舉行聖誕聯歡派對。

希望每年都舉行

王祖藍與李亞男直言十分感恩，並希望以後每年都能令有需要的小朋友笑得如此開心快樂，他們說：「自從喺囡囡Gabby百日宴上面，見到啲小朋友玩得好開心，我哋就好想將呢份快樂延續落去。所以我哋希望每年Gabby嘅生日月都可以舉行一啲有意義嘅活動，為有需要嘅小朋友做少少嘢。見佢哋笑得開心，我哋亦感受到嗰種單純嘅快樂。」兩人又指等Gabby長大，一定會帶埋她出席活動。

魔術表演成重頭戲

聖誕派對「重頭戲」落在Sunny哥哥身上，除了魔術表演精彩又充滿驚喜外，其風趣幽默的旁述，令現場小朋友看得如癡如醉，台下的「大細路」祖藍、亞男、祥仔及細細粒，亦看得非常興奮，不停拍手大笑及歡呼。