前夫都喺南極！陳法拉踎地搞笑扮企鵝

女神陳法拉早前出發去南極同法籍型男老公Emmanuel Straschnov度蜜月兼過聖誕，雖然非常寒冷，但佢玩得非常開心，又行山又睇企鵝，佢仲搞笑到踎地扮企鵝！

雖然大部分時間佢都包到實，但聖誕當日佢就悉心打扮，着上紅色背心長裙，化埋個靚裝，變番女神同老公撐枱腳！網民都大讚佢高貴又可愛，果然係女神呀！

而另一邊廂，法拉前夫薛世恒亦上載喺南極嘅相，留言：「我生於盛夏，卻最愛寒冬。今年終於嘗了素願到了最冷的南極。夏天的南極是小企鵝出生的季節，有幸遇上了。」唔知會唔會遇上呢？