江嘉敏陳曉華開心Share香口膠

20191230
東網電視
更多新聞短片
係咪堅先?
藝人江嘉敏與陳曉華為新劇《食腦喪B》試造型,江嘉敏在劇中飾演紅斑狼瘡症患者,見她兩臉滿是紅斑,她說:「我仲係黑幫大老嘅女,要長期黑面,唔可以大聲講嘢又唔可以笑,對我嚟講好大挑戰,要好有霸氣,同我本身性格完全唔同,唔講嘢都控制到,但唔笑係幾大挑戰,原來黑面都要幾用力。」
至於陳曉華飾演KOL,跟江嘉敏是好朋友,問到劇中是否要兩女爭一男,江嘉敏指算不上爭,但各自跟何廣沛都有感情線。今次是陳曉華第二套劇集,上一套最親密的場口只有錫面,問到今次會否有親熱鏡頭,兩人稱還未有完整劇本,江嘉敏笑謂:「我同陳曉華親熱啲,因為我哋係好朋友,原本我個角色係要食煙,但我唔識食,監製怕拍出來冇美感,所以就叫我食香口膠代替,入面原本有場戲係我同曉華一支煙兩份食,依家唔知係咪要share香口膠。」陳曉華笑言:「你唔好咬到香口膠冇晒味先畀我,有味係OK。(你揀食對方嘅香口膠定係錫?)錫邊個先,錫佢(江嘉敏)OK。(點都唔揀香口膠?)梗係唔揀。(拍親熱戲使唔使同男友備案?)我都冇男友,但會同朋友分享。」
另外,對於馮盈盈在社交網站公布與拍拖四年的醫生男友分手,江嘉敏坦言也是今早才得知:「始終係佢哋兩個人嘅感情事,問番佢本人啦!(你識唔識佢男友?)我哋有試過兩對情侶一齊開派對同食飯。(覺得突然?)都有啲突然,睇到呢個消息嘅時候,我未瞓醒又開緊車。(覺得可惜?)作為朋友,聽到呢個消息會唔開心。」