男仔都暗戀　何廣沛新劇扮喪屍畀女圍

藝人何廣沛以喪屍造型現身新劇《食腦喪B》（暫名）的造型，他稱自己暫時是劇中唯一喪屍，還有更恐怖的形象：「個嘴唇會乾裂啲，頸上會有青筋，依家呢個係有少少肚餓嘅造型。（要長期戴有顏色嘅隱形眼鏡？）我有戴開，所以都習慣，但會有少少攰，不過唔使長期戴住，因為劇中唔係長期呢個狀態，係肚餓先會變形，平時都係靚仔，喺劇中肚餓要食腦，但會拍得有少少取考，唔會真係影住個腦，否則過唔到，會用劇情交代。」

何廣沛指新劇劇情天馬行空，很好玩，不止驚嚇恐怖元素，還有感情戲，他笑言：「喪屍都可以拍拖，我會同江嘉敏、陳曉華有感情線，仲好似有個男仔暗戀我。（好受歡迎？）係，喪屍都好受歡迎，因為暫時得我一個喪屍，係獨巿。」

另外，提到緋聞女友朱晨麗憑《多功能老婆》的角色而被提名「最佳女主角」及「最受歡迎女角色」，何廣沛即時表示：「投！投！投！」又大讚她把角色演得很放：「佢平時個形象好高貴，今次係好大突破，好多觀眾都鍾意佢個角色，巴辣得來又可愛，要攞平衡好難，佢塑造個角色好成功。」