半個月前分手 吳浩康開騷唱慘情歌難受

20191231
東網電視
更多新聞短片
應晒景。
歌手吳浩康(Deep)在告別2019年前於麥花臣場館舉行演唱會,吸引不少歌迷到場支持,圈中好友泳兒、姜皓文、曾樂彤、李靖筠等都來捧場。而Deep亦以歌會歌迷,唱近30首歌,期間唱《38廿四》時更落台與觀眾握手,還跑到上「山腰」位與觀眾零距離接觸,有不少觀眾都趁機集郵,Deep亦來者不拒玩「圍集」,又跑上跑落,相當Enjoy,但因一首歌時間未走及到另一邊「山腰」觀眾,有人大叫「未握到」,Deep不好意思謂:「我對你唔住啦 !」十分搞笑。
至於Deep唱到尾聲時都不忘多謝多年來助他事業的一班前同事及現任同事,更講到感觸眼紅紅:「想借今晚去多謝一班好人,呢班就係我一班英皇嘅舊同事,佢哋無論喺唱片公司同經理人公司嘅人,佢哋今日都喺到,就係我公司一代一代嘅人都支持我,所以,我都特登自掏腰包請佢哋嚟睇,多謝佢哋令我茁壯成長,我03年出道,經過高高低低。」之後他以結他自彈自唱《棋王》,亦有選唱張國榮的《怪我過份美麗》。
個唱順利完成,Deep接受訪問時都坦言鬆一口氣,因要演唱很多歌,開騷前都擔心自己表現:「今次我仲特登少說話,想個演唱會好睇啲,因為之前有同事講過我一講嘢就搞到冇氣氛,所以都係將弱項收埋。」講到一開場就選唱《討厭》,是否憑歌寄意?Deep坦言:「冇諗到咁複雜,歌單喺分手事件前已經排好,做騷唔會將私人感情放落去,不過確係喺綵排嘅時候要面對呢啲歌係幾難受嘅。」另外,他台上說到下一站是紅館,Deep表示其實入紙已入到2020年四月,但仍未排到,不過,他的團隊都會繼續入紙,希望可以達成願望。