Gordon抽到10盒安全套：派畀其他人用

組合天堂鳥出席工展會活動，大講聖誕節同朋友交換禮物後嘅「成果」，成員Gordon話收到一個似馬卡龍形狀嘅性玩具，同10盒安全套︰「如果唔講係性玩具，仲以為係擺設。（個朋友咁為你而設？）抽咋，係佢去日本旅行買返嚟。」Tyrese抵死笑住叫Gordon擺床頭，Gordon說︰「擺咗我爸媽都唔知係乜，因為太靚。（咁多安全套用得晒？）我有分派畀其他人，哈哈﹗」記者笑問Lincoln及Tyrese有冇份受惠？Lincoln怕醜話有，繼而自爆喺其他聖誕Party，抽到消防員嘅露肌月曆︰「呢個係慈善月曆，所以都幾有意思。（掛起嚟鞭策自己？）都可以欣賞角度去觀賞，令自己努力啲。」之後三子再話最近加緊為演唱會練習，希望騷前可以出到新歌。