轉玩地下情？馮盈盈兩日前仲同寶寶去Wet

藝人馮盈盈於社交網宣布同醫生男友鍾文浩（寶寶）分手，四年情玩完，之後出席無綫新劇活動，喊住話分手原因是「相處容易同住難」，並已各自搬離同居愛巢。一對情侶分開確是教人傷感，不過分手消息一出，不少網友卻質疑馮盈盈是否「真．分手」，更有網友指兩、三日前才見過兩人在中環嘉年華拍拖遊玩，全無半點分手迹象，所以質疑有人為保事業，由愛得高調轉為地下情！

對於網友的疑問，馮盈盈表示：「確實有去過，照我所講，我哋仍然係朋友，由於從未一齊去過嘉年華，所以先約埋一齊去。」盈盈直言明白到短時間內一定會有很多流言，但她不擔心，並謂：「始終我哋嘅感情事，只有我哋兩個最清楚，多謝大家關心，只可以講我已經坦白交因。」她還再度重申分手從來與第三者無關，請大家不用再有太多的揣測。

來到一年最後一日，馮盈盈於IG留言：「191231　PRAY for the best#2020」希望新一年有個好開始。