27歲生日　陳詩欣中環開餐引仔埋身

剛踏入27歲的《3日2夜》女神陳詩欣（Eunice）正日生日，跟家人到主題樂園暢玩，她回覆東網時笑說：「因為我同爸爸同一日生日，可以免費去主題樂園，所以年年我哋都趁呢日去玩，夜晚就一家人食飯。」她笑言當晚有段小插曲，家人買了一個時興的扑糖果蛋糕，本以為姨甥女會好開心，她笑說：「小朋友見到糖會好開心，但佢兩歲未夠，可能唔知發生乜事，見我哋扑爛個蛋糕，係咁喺到喊，但我哋就大笑，一定覺得我呢個姨姨太曳。」

翌日她就跟同公司兩位好姊妹余香凝、YoYo慶祝，她們盛裝到中環食飯，她笑說：「食到中途已經feel到隔籬枱一個男士係咁望住我哋，之後佢行過嚟問我哋啲餸好唔好食，我哋仲以為係老闆，咁咪禮貌答咗幾句，佢冇啦啦話請我哋食甜品，但要我哋同佢交換聯絡方式，我哋梗係say no，好搞笑囉，仲唔到我哋仲咁有魅力，YoYo已經係人妻，我同余香凝平時都冇乜男仔撩，覺得好搞笑囉。」