陳偉成造人成功　富士山攬實老婆

髮型師兼模特兒陳偉成（Avis）上年11月同拍拖接近1年嘅黃藹樂（藝名：黃樂樂）拉埋天窗，呢日Avis喺網上晒出一張二人身處日本富士山照，見二人攬到實，太太仲向Avis送吻，而Avis話2019年係佢人生嘅轉捩點，多咗份責任：「我要令自己更加上進，同我合作嘅夥伴和團隊，更加要愛惜他們，2020年要改變一下自己，要學會珍惜寵懷一個人，諗下辦法帶佢去環遊世界。」

不過最爆係Avis話希望今年去邊都要買三張機票，同埋整咗一個太太嘅圖案同bb圖案，隨即令網民估Avis已經「造人」成功，仲有人留言「兩歲前免費」，紛紛恭喜佢添！