搭高鐵除鞋被鬧唔文明　張馨予反擊網民指控

做明星一舉一動都受到網民關注，好似吳卓羲舊愛、內地女星張馨予咁，佢喺微博上載一張搭高鐵除鞋蓋上被及只着襪，好悠閒咁坐喺度嘅相，就突然被網民鬧唔文明！

張馨予就似乎非常無奈，回應「指控」：「因為提供了拖鞋毯（氈）子，座位可以平躺，如果穿著（着）鞋子躺著（着）也也挺奇怪的吧。」有網民力撐佢根本唔需要解釋「這些人都太無聊了」、「他們應該沒坐過商務座」，又笑言：「張馨予求生欲好強！」