將赴廣西登台 李天翔:焗住戴口罩

20200102
東網電視
更多新聞短片
李天翔出席契姐李麗霞(左三)的壽宴,送風筒做賀禮。
藝人李天翔出席契姐李麗霞(黑妹)的60歲壽宴,他稱早上已送了賀禮:「因為家姐每一年都唔想辛苦佢啲助手同司機,見佢哋拎住咁多禮物,今年索性寄份禮去佢屋企,今朝應該收到。(咩禮物?)因為家姐乜都有,但我就揀咗個風筒送畀佢,但其實送畀佢都多餘,因為佢做嘢都係出去整頭,冇乜需要拎個風筒出嚟,就畀佢沖完涼吹下腳啦!(風生水起?)都係㗎!」
講到工作,李天禮稱將飛內地做商演:「不嬲都有登台唱歌,唱得好唔好聽就見仁見智。」問到可會去傳出有肺炎患者的武漢?他謂:「唔係,去廣西,但都驚驚,太太都叮囑我一定要戴口罩,其實我平時怕焗好少戴,但今次都安全計坐飛機都會戴住口罩。」
另外,到賀的范振鋒未見太太李思欣結伴出席,阿范稱因過兩天是太太生日,朋友約她吃生日飯慶祝。問買了生日禮物給太太?阿范表示已經買好,搞咗一輪,最後買了一個包包作禮。