見面即爆房！龔嘉欣情趣內衣誘羅天宇

藝人龔嘉欣與羅天宇出席無綫新劇《香港愛情故事》開鏡拜式，劇中二人飾演夫妻，面對首日便要到時鐘酒店拍攝床戲，嘉欣笑指雙方還不算太熟，故現時心情緊張：「場戲講我哋紀念日，要着情趣內衣色誘佢，但喜劇都係搞笑多，套劇都多親熱戲，入行咁耐都冇拍過床上戲。」

兩人自稱單身

劇中性需求大的天宇，笑指角色很愛嘉欣，更說：「我哋成日去唔同地方做啲唔同嘅嘢，會去劏房、太空倉咁，好多嘗試，我仲要健身，有幕要半裸除剩條底褲。（要操股肌？）我本身都好勁。」問到二人可需向另一半備案？天宇與嘉欣齊聲表示現時單身，天宇還自爆剛過去聖誕節非常孤獨，除夕夜與家人到餐廳食飯，最終卻遺失銀包，損失4位數字，問到銀包內可有緋聞女友戴祖儀「蜜照」？他說：「冇，得我個樣嘅證件相。」

嘉欣對於被指有新戀情即耍手擰頭說：「梗係唔係，我呢排忙緊搞火鍋店，開咗一個月，我收銀、包餃子等乜都做。」