楊明燉湯店被破壞　莊思明：冇影響開舖

藝人莊思明客串演出鼠年賀歲片《家有囍事2020》，今晚煞科宴上思明被問到男友楊明有份投資的燉湯店元旦被破壞，她表示：「啱啱收到通知嘅時候有少少唔開心，預計唔到惟有盡快搶修，希望唔好影響到啲熟客。」

透露生意還好

她透露楊明生意上拍檔連夜已趕返店舖處理：「唔用玻璃呢啲易爛嘅物料，好擔心爛咗爆開會整到人。依家搞掂咗嘞，冇影響開舖，只係冇咁靚仔啫。」談到近日生意額，她坦言：「大氣候之下個個都有影響，我哋都（生意）還好。（喺網畀人鬧會客氣啲？）我不嬲都客氣，會主動了解及反映，希望食物質素有改進。」