孖張智霖放笑彈!張繼聰打小人對白背足兩日

20200103
東網電視
更多新聞短片
張智霖同張繼聰齊齊合演賀歲片。
藝人張智霖、張繼聰和黃百鳴等主演賀歲片《家有囍事2020》晚上於銅鑼灣舉行煞科宴,場面熱鬧。張智霖與張繼聰於戲內齊放笑彈。二人拍住上受訪,談到票房問題時異口同聲笑答:「希望百花齊放,壓力交番畀老闆,都希望No.1!(有分紅?)總之想老闆賺錢,我哋繼續有工開。呢套戲老幼咸宜㗎,大家多多支持。」
套戲重男輕女
阿聰笑指今次演老千家族,但自己只負責「下欄嘢」:「即係揸車同物流,啲型嘅嘢交畀張智霖同黃百鳴。我都算拍得唔辛苦,動作嘅嘢由張智霖同啲女仔負責。今次套戲重男輕女,啲女仔打得好甘。」
用英語打小人嗌緊張
阿聰又表示最搞笑是有場戲安排他用英語打小人:「對白背足兩日,又要喺外籍演員面前好自信咁,有啲緊張。(又話負責騷『巨鵰』?)嗰時啱啱拍完套拳手戲,仲有啲嘢『淨』,咪騷吓囉,不過唔係好大膽啫。」