乞人憎？于淼包餃子落辣椒：想畀人試吓

藝人于淼有份客串《家有囍事2020》，與范文雅及莊思明扮演護士，齊齊「情挑」張智霖，她打趣說對方艷福無邊，但反過來自己亦有被他電暈：「第一次同佢合作好興奮，我都想拍多啲喜劇，會開心啲嘛。（唔想再好似「顏成功」咁乞人憎？）都可以嘅，不過啱啱畀人憎完，都想大家開心啲。」

她又透露農曆新年會留港：「屋企人會嚟。（有乜嘢過年習俗？）包餃子囉，我細個嗰時好百厭，試過將辣椒包落餃子度，因為自己鍾意食辣，想畀人試吓。」