【中式婚照曝光】陳法拉度完蜜月即復工

女神陳法拉上年年尾同法籍老公Emmanuel Straschnov展開蜜月之旅，先去南極再去南美洲阿根廷，呢個旅程話咁快就完結，法拉已經復工喇，佢上載喺機艙嘅相，一面素顏嘅佢真係一樣咁靚，唔少眼利嘅網民都問佢係咪去新西蘭，唔知老公有冇同行呢？

而早前，佢就晒咗多張從未曝光嘅密照，包括中式婚照，着上紅噹噹中式禮服嘅兩人拎住隻碗對望，甜蜜又帶點搞笑！仲有好多張同老公嘅生活照，而Emmanuel都激罕放閃光彈，趁住新一年首次喺Instagram上載兩公婆合照，仲頭貼頭咁，真係甜到漏呀！