阿Sa爆阿嬌帶「篋神」睇戲 原因係強迫症?

2020年01月04日 19:00
東網電視
更多新聞短片
Twins到大讚英皇IMAX影院擁有IMAX®with Laser專利技術,出嚟嘅影像好震撼,最適合欣賞大片。
繼樂壇天后容祖兒早前拉隊到英皇戲院尖沙咀iSQUARE打卡歡度聖誕,蔡卓妍(阿Sa)、鍾欣潼(阿嬌)日前亦「Twins」合體,相約睇戲歎世界,阿Sa大讚戲院擁有全港最大的IMAX影院,令人猶如置身拍戲現場一樣:「呢個影院擁有IMAX®with Laser專利技術,出嚟嘅影像好震撼,最適合欣賞大片,我之前演出嘅電影《神探大戰》如果可以喺度睇,一定好震撼!」
講到畫面震撼,阿Sa憶起一件與阿嬌睇戲的趣事,阿Sa大爆阿嬌當年曾「篋神」上身:「記得好多年前我同佢一齊去睇戲,佢嚟到嘅時候,套戲已經開咗場,佢入嚟嗰陣竟然拉住個篋,然後係個篋度攞咗個枕頭出嚟......」未說完阿嬌已經大笑起來,搶着補充:「嗰陣腰痛,啲櫈又會震,好擔心嘛。」之後,阿Sa道出真正原因,是因阿嬌當時有強迫症,所以睇戲睇到好似打仗一樣,當然現在已經完全康復。
自揭第一次同男仔睇戲
戲院不嬲都是情侶的拍拖勝地之一,阿嬌笑言第一次同男仔睇戲已經是很遙遠的事,亦沒遇過甚麼浪漫的事:「只記得當時睇《貞子》,嗌到鬼殺咁嘈,前後座位嘅觀眾都眼望望。」就算跟老公睇戲,都是「浪漫不足,麻煩有餘」,阿嬌惟有以「嗲功」拆招:「我睇戲好喜歡問戲,但我老公就係一個唔喜歡人打斷佢睇戲嘅人。(咁咪嗌交?)我會溫柔地同佢講:『我真係唔明吖嘛』咁佢都會就我嘅。」
阿Sa笑言第一次與男仔睇戲約會,對方竟然選了當年瘦骨如柴的李璨琛主演電影《香港製造》,相當另類,阿Sa表示:「我當時都諗竟然係呢部。(好似冇乜情趣,有冇扣分?)咁又冇,不過,睇完套戲都冇乜點聯絡,哈哈!呢個經歷我到依家都歷歷在目。(咁有冇遇過浪漫事?)曾經試過有個男仔知我鍾意睇邊齣戲,特登去買飛,點知套戲原來下星期先上,佢又緊張得滯買錯都唔知,我哋照去睇,下星期再去睇番我想睇個部,佢仲特登買番同一間戲院、同一個座位,都幾浪漫。」
蔡卓妍
Knit Sweater: Faith Connexion @ Joyce
Boots : iijin
Styling : PiPa.Creative
Makeup : Yannes Lee @ndnco.co
Hair : Heibie Mok @Hair Culture
場地提供:英皇戲院(iSQUARE)