考美人魚教練牌　蕊蕊朝9晚10攰到爆

藝人蕊蕊熱心推廣美人魚活動，仲創立埋美人魚泳術學校，早前佢同鄧詠雪以及第一屆《亞洲美人魚小姐大賽》冠軍練樂儀齊齊飛到台中，考美人魚教練國際牌，蕊蕊坦言時間緊迫，每日都要密集式上堂：「我哋嗰三日，由朝早九點上堂上到夜晚十點，又要上理論堂，又要落四、五個鐘頭水，每日返到酒店真係累。」

此外，蕊蕊此行真係獲益良多，仲即時學以致用：「上完堂學完就即刻試吓教人，真係同平時自己扮美人魚游水好唔同，真係要兼顧好多嘢。」