J.Arie「轉」幕後　再做埋演藝人協會幹事

歌手J.Arie上年寫畀黃淑蔓的《Dream my Dreams》攞得「叱咤專業推介十大」的第4位，J.Arie坦言諗唔到：「好感激自己寫嘅曲被採用，黃淑蔓亦係一個將首歌演繹昇華嘅好歌手，希望同佢合作唔止一次啦！」J.Arie坦言寫曲當然就係希望靈感不斷，並隨心而寫：「唔好只係為咗計算同埋市場而做，咁樣做完出嚟都唔會開心同埋冇咩意義。」

最近她以幕後作曲人身份join了一個為期一年的深造音樂計劃，可以配對不同的音樂人一齊合作造歌：「我係超級期待，因為會有機會遇到我從來冇合作過嘅監製或者編曲人，今次合作得好可能會變成長期合作嘅夥伴㗎！今年我希望將所有時間同精神畀音樂，用心寫更多歌畀人。自己如果有機會出歌嘅話，希望可以同多啲歌手朋友合作。」

早前她有幸被選為新一屆演藝人協會的幹事，會長係古天樂先生，她說：「見到佢上年都有同其他歌手喺歌曲上嘅合作，如果有機會寫歌畀佢，而佢又要我嘅曲就好啦！」