台灣遊掛住影相 陳琪一家差啲流落異鄉

20200107
東網電視
更多新聞短片
好彩搵得番個袋啫。
藝人陳琪向來喜歡趁仔女放假便舉家外遊,早前便趁聖誕節重遊台灣,笑指每次出外一拖幾,所以挑選最熟悉的地方較為方便,沒料今次卻發生小插曲,差點流落異鄉,她說:「我哋自駕遊,落機後去租車公司拎車,點知發現唔見咗放證件嘅袋,嗰刻真係好驚,腦海浮現好多畫面,不斷諗番落機後嘅畫面,諗到我哋喺一個位影相,途中放咗個證件袋喺行李車上,可能跌咗附近,即刻返去搵,好在搵得番,都算好彩,第一次覺得有樣嘢係畀唔見錢更重要。」
尋獲證件後,成家人心情隨即變好,四圍吃喝玩樂,她說:「今次好好玩,專登安排行程唔太忙,去一個地方hea少少,之後返酒店休息,最搞笑係帶小朋友去做機械人,整成3、4個鐘,爸爸悶到放蚊,後來因為機械人太大件,最後仲要佢手提行李上機,真係大整蠱。」