舊歌新唱　蔣嘉瑩施匡翹掃七獎

歌手蔣嘉瑩（Vivian）與師妹施匡翹（Zaina）去年尾舊歌新唱，翻唱昔日亞視經典劇《我和殭屍有個約會》主題曲《假如真的再有約會》推出女女合唱版，兩人連續獲得多個本地音樂頒獎禮獎項之外，更得到大陸的音樂頒獎禮認同，早前Vivian聯同Zaina盛裝出席在廣州天河區文化中心大劇院舉行的「第三屆廣東省流行鋼琴頒獎盛典」，Vivian憑《假如真的再有約會》奪得「年度最佳經典歌曲演繹獎」，Zaina則奪「年度新銳歌手獎」。

兩人憑合唱版《假如真的再有約會》分別在五個音樂頒獎禮，共奪7個獎項，Vivian直言：「其實我復出只係想過吓唱歌癮，勢估唔到我仲有機會上台領獎，真係發夢都估唔到，要多謝公司老闆夠膽畀我重出江湖再喺樂壇玩下，同埋要多謝經理人Apple（劉麗萍）好用心幫我，仲有公司所有同事。」

Zaina亦十分興奮多謝公司老闆及所有同事：「我只係新人，仲要正式唱歌只係短短半年，完全冇諗過有機會企喺音樂頒獎禮台上領獎。（點樣慶祝及多謝公司？）畀心機再唱好啲及再做好啲報答公司。」