已拍拖兩年！張曦雯封盤激讚男友孝順

藝人王浩信與張曦雯（Kelly）出席無綫新劇《踩過界II》開鏡拜神，上集飾演「盲俠」的浩信直言角色早已入血，故再次演繹時很快適應，只是每日連戴十多小時隱形眼鏡開工，笑言望完成劇集後不會變盲。

而首次扮盲妹的Kelly則表示與浩信再續《解決師》的未了緣，寄望今次不需要死：「今次個角色比較有機心、成熟啲，好專業咁，其實我老襯底，監製叫我把聲唔好咁小朋友，所以都參考浩信做盲俠係點。」在旁的浩信亦取笑她表面女神，實際上是鄰家女孩，有時還帶一點粗魯。

早前Kelly與外籍男友到夏威夷旅遊，期間更於社交網晒男友視角靚相，Kelly冧笑指男友影相的確唔錯：「佢識影相，又孝順（唔晒男友合照？）佢又唔係圈內人（第一次咁公開放閃？）之前有甫大合照，只係冇Tag佢啫，其實我哋拍咗年幾兩年拖都穩定，但好事近又唔係，今次只係讚吓佢等佢開心吓！」