舊愛鄭俊弘結婚！姜麗文恨嫁：爸爸都想抱孫

藝人姜麗文出席無綫劇集《踩過界II》開鏡拜神，透露飾演女警及張振朗舊愛，有不少對手戲，雖然兩人不熟，但振朗也有耐性指導她對白的發音。對於振朗有地獄黑仔王之稱，姜麗文笑指不迷信，自言屬牛今年旺，故會為他帶來幸運。

談到舊愛鄭俊弘日前宣布婚訊，姜麗文表示有聽聞，她說：「其實同佢都係7年前嘅事，咁呢個係佢哋Happy news，希望尊重佢哋，我同依家男友拍拖3年都幸福快樂，所以唔使每次都要問我回應。（你同男友都快結婚？）我都想，爸爸（秦沛）都75歲，佢都想抱孫！（爸爸開綠燈？）不嬲都Welcome，佢好Sweet，都見晒家長，我好信爸爸意見，當有鍾意嘅男仔就畀佢見，所以我覺得爸爸對男友都滿意。」