點解？清華大學生考試前夕當楊冪神咁拜

內地女星楊冪樣靚身材正，雖然已為人母，不過一樣被封為女神，近期仲出現一個奇怪現象，唔少清華大學嘅學生拜佢，目的竟然係祈求考試順利！

原來楊冪嘅大伯正正就係清華大學數學系教授楊曉京，同學們咁樣拜楊冪都係想佢大伯喺考試時手下留情。有人曾問楊曉京知唔知呢件事，佢接受訪問時爆出：「楊冪成績算OK的，但拜楊冪也起不了作用，既沒有理論意義更沒有實際意義，楊冪根本就不懂數學。」咁即係拜佢都冇用。有網民提意學生們不如直接拜楊曉京會唔會實際啲？