首唱主題曲！谷婭溦搵跳高女神助陣拍MV

歌手谷婭溦（Vivian）日前為新歌《我為我堅強》拍攝MV，今次是她首度為劇集唱主題曲，她說：「好興奮呀，之前有唱過啲都係片尾曲、插曲，今次呢首歌係外購劇集《獨孤皇后》嘅主題曲，歌詞內容又好適合自己，當年我一個人來到香港努力追尋夢想，迫使自己獨立堅強面對新環境，就好似獨孤皇后嗰種堅毅精神。」

滿意去年成績

提到今次請來香港跳高女神鄧伊程（Tiffany）幫手演繹MV中的故事，Vivian說：「想拍出嗰種努力苦幹，就算失敗都會勇敢再嘗試嘅感覺，Tiffany正好表現到呢種個性，而且佢好靚女又有型。」總括2019的成績她自己都算滿意，之前跟男神馬國明到內地工作中度過，她笑說：「係好正，最開心係今年會有歌再推出，希望一切繼續好，自己當然會多多努力。」