胡鴻鈞新歌講初戀　許廷鏗：唔知係咪唱畀我

歌手許廷鏗（Alfred）到電台宣傳新碟，透露去年尾推出新碟，但因要預備頒獎禮，故現時才宣傳，笑言幸好新碟毅力幾好。他又透露新碟10隻歌入面，已拍了6首歌的MV，多謝公司揼本，希望之後可以拍多兩首歌的MV，講到公司咁多資源給他，記者打趣他是否犧牲色相？他笑言：「如果值錢怕咩賣？其實有啲係低成本製作，有首歌《荒廢之綠洲》其實係3個人拍出嚟，嗰次我哋夕陽時去到西貢一個冇車去嘅地方拍，嗰到好似山水畫咁靚，仲叫歌曲監製幫我揸機拍。」

講到「同性密友」胡鴻鈞近日推出新歌《沒身份妒忌》，他笑言：「之前睇住佢錄，去錄音室聽下，大家交流。（首歌係咪唱畀你聽？）唔知係咪唱畀我聽呢，但見佢訪問講首歌係講初戀女友，都係做醫生，都唔知係咪搵我笨！」但他都開心對方再出歌，又開心另一好友吳業坤最近都出歌，他都謂自己已籌備另一隻碟，預計今年年尾出，希望可以儲夠100首歌，然後再開騷。