罕有晒線！施匡翹勁怕醜：試着時唔係咁

歌手施匡翹（Zaina）與師姐蔣嘉瑩（Vivian）一同現身慈善晚宴，Zaina更罕有以透視低胸裙上陣，大騷事業線，她怕醜地笑言本身試穿時不是這個效果：「因為我試着時冇着任何內衣，效果唔係咁，但點知嚟到之後就係咁，經理人唔知我着成咁，好擔心。（你平時係古代人，今日咁性感？）係呀，我仲以為係試嗰陣嘅效果。（第一次公開場合咁性感？）係呀，我都冇諗過會咁。（再性感啲就唔得？）暫時都唔會。」Vivian就幫手解圍，讚Zaina靚就得。

講到工作，兩人透露正忙於籌備第二首歌，Zaina表示已錄好歌，下星期會拍攝MV，今次首歌很浪漫，希望可以情人節前推出，問到MV可會性感上陣？她笑言：「希望唔係啦，今日係一個意外，依家好尷尬、好緊張，有啲唔慣，唔敢郁嚟郁去。」Vivian就笑言兩人上台唱歌時，可以企Zaina前面幫手遮住。