仲有聯絡！戴祖儀因為咁唔同羅天宇拍拖

藝人戴祖儀剛從洛杉磯旅遊返港，此行一共逗留了9日。她透露於主題樂園內倒數新年到臨：「不過擺咗個烏龍，踏入12點我竟然講咗『聖誕快樂』！」

記者追問她是否與男友同行，她急忙澄清：「冇拍拖，同屋企人去嘅，我都諗緊搵師傅問吓幾時有拖拍，之前佢話我兩年都冇着落，點知真係！（想拍拖？）見到咁多朋友喺社交平台放閃，嚟緊師姐何雁詩又結婚，不過我出道咗年半，都應該畀心機做嘢先。（介唔介意同圈中人拍拖？）之前都有諗最好唔好，不過世事無常。」

記者再單刀直入追問她與羅天宇的感情發展，祖儀表示：「上次畀記者影到，我哋都冇再去街喇，不過有電話短訊，祝吓大家新年快樂咁囉，友誼唔會因為咁而斷嘅。（點解唔試吓同佢拍拖？）佢啲前度太完美喇。講到拍拖我都好後知後覺，要對方出聲先知，不過我真係完全感覺唔到佢想追我。」