胡說八道捧黃智雯場　姚子羚恨合演舞台劇

由藝人錢嘉樂、袁偉豪（Ben）、黃智雯和楊詩敏（蝦頭）主演的舞台劇《今晚打老虎》今晚公演，不少圈中好友送花籃到賀，包括鄭伊健、陳山聰夫婦、胡定欣、馬國明和吳卓羲等。而智雯好姊妹胡杏兒、李施嬅和姚子羚更專程捧場，子羚表示未入行前曾參演劇團的舞台劇：「但做咩角色都唔記得喇！啲嘢好藝術。（演舞台劇尺度可以大啲？）咁又難啲，我身段唔夠條件。」她又指希望胡說八道幾位姊妹可合演舞台劇，提議智雯和胡蓓蔚做巴辣角色，定欣則適合演可憐角色，杏兒則說：「我想做少女，因為我唔再係少女。」

張寶兒做廿四孝女友

至於戴上工作證的張寶兒拎住Ben電話，做廿四孝女友幫手打點，問到有否準備愛心湯水？她說：「後台已經有好多嘢食同湯水，多謝朋友對佢厚愛。」她又讚演員間很有火花，問到有否睇男友的親熱戲？她說：「喺後台電視機有睇。（介意？）佢係周文賓，唔係袁偉豪，冇咩所謂。」