鍾鎮濤一拖二歎茶　鍾幗瀡落地下避鏡頭

藝人鍾鎮濤（阿B）不時與太太范姜出雙入對，但日前撇下老婆一拖二出巡，偕次女鍾懿及三女鍾幗往中環歎茶。愛女如命的他餵鍾幗飲嘢，囡囡卻苦口苦面。及後有女粉絲上前邀合照，阿B有求必應，更吩咐鍾懿幫手揸機，鍾幗則滑落地下以免入鏡，三父女逗留約1小時後離開。阿B步出時發現記者，問到如何慶祝農曆新年？他只連番說「新年快樂」便匆匆往取車。