嘲笑江若琳執鴛鴦襪　Oscar生日畀老婆鬧

「生煎包王」蕭潤邦（Oscar）昨日39歲生日，老婆江若琳在社交網表示簡簡單單與對方度過，並安排泰式按摩作為生日禮物，更大晒愛的宣言：「祝佢身壯力健，無病無痛，快快樂樂，煩心事減少3分2，至於今年我有咩禮物，禮物就係我剛剛同個天許咗個願，我希望我可將我人生僅有嘅所有運氣送晒界佢，我希望個天會一直保佑呢個我人生中認識過最善良最好嘅人！」

面對老婆如此甜蜜，怎料他竟在社交網「投訴」老婆執鴛鴦襪：「我老婆好勁㗎依家，識洗衫啦，乾衣啦，同埋執衫配襪子等等，好叻！為咗對你嘅肯定，我照着！」令江若琳忍不住留言鬧爆：「其實你生日都係要被人鬧！」