莊思明公開機組人員資料 莊思敏話唔啱

20200111
東網電視
更多新聞短片
莊思敏話阿妹做得唔啱,覺得佢太衝動!
藝人莊思敏到旺角出席捐血活動,她表示向來有捐血習慣,但因早年經常飛返馬來西亞,因此要隔幾個月才能捐血。講到難忘經血經驗,她笑言有朋友很怕血,於是在她身旁講鬼故,令她分心成功捐血,問到會否帶男友一同捐血?她說:「未傾到呢個問題,可能下次行行吓街帶佢上嚟。」
對於最近胞妹莊思明網上控訴坐國泰機借筆被冷待,引發與網民罵戰,之後她將機組人員的個人資料放上網。莊思敏被問到對此事的看法,她說:「起初佢只係想分享一個唔開心嘅經歷,因為有啲網民激進言論,令佢又甫咗啲嘢,事件又發酵,佢不嬲係個好執著嘅人,要解釋到所有人都明白,但網上一個對咁多個,好難解釋得咁多,呢件事對佢都係一次經歷,希望快啲平息。(網民最不滿係佢將機組人員個人資料放上網!)我都覺得佢太衝動,佢自己有覺得唔好意思,令有啲人唔開心,但以我哋所知唔涉及法律問題,因為只係放名字,冇幫其他個人資料,好似身份證號碼、電話號碼等等,當然咁做唔係啱,而且公眾人物一定引來更大迴響。(佢會唔會出道歉post?)佢好似喺某個平台發咗呢個post,總之希望佢以後唔好咁衝動,一笑置之就算。」她笑言事件慢慢變成笑話,自己也會買更多筆給妹妹用,當作新年禮物。
而莊思明就在Instagram上載一張照片,留言:「舉頭望明月低頭思故鄉 ❤️❤️❤️」未知所意。