出席時裝展！謝霆鋒Chok爆米蘭

型男謝霆鋒向來是時尚潮人，近日他獲品牌邀請，飛到米蘭出席冬季系列時裝展。在時裝展舉行前，他特意到品牌的總部參觀，見他以紫色半開襟式外套上衣，內搭黑色針織衫，再配上黑色長褲及帆布單肩包，簡約輕便之中，又不失型格味道，加上他戴上墨鏡，大擺多個甫士拍照留念，盡顯Chok爆本色。

及後，他現身時裝周睇騷，見他身穿印花西裝，內搭黑色高領針織衫，盡顯型男魅力，同場亦有兩奪奧斯卡男配角的男星Mahershala Ali。對於獲邀出席，霆鋒表示十分榮幸，並大讚騷上所有的設計均十分精彩，又透露對西裝情有獨鍾：「西裝我相信係每個男士衣櫃嘅一個must have item，我自己都唔例外，所以show上面自己都會特別留意呢個item。」