信唔信？惠英紅謙稱冇獎攞：返嚟撐場

憑劇集《鐵探》成為今屆《萬千星輝頒獎典禮2019》視后大熱的惠英紅，專程從內地返港出席盛事，並與劇中拍檔姜皓文（黑仔）踏上紅地氈。問是否專程返港攞獎？她說：「我喺杭州返港，聽朝就飛去北京拍電影。（好多人睇好你攞大滿貫！）唔係，我舞台劇都攞唔到，唔緊要，我會繼續努力，返嚟係撐場，想套劇攞『最佳劇集獎』，黑仔都係專登返嚟。（有獎就繼續拍劇？）都冇人搵我傾，即係唔係有獎啦！」

更指以往出席頒獎禮基於一份尊重，和得獎與否無關。談到她是視后大熱人選，惠英紅謙稱：「咩唔係《金宵大廈》大熱咩？呢排我都唔喺香港，所以《金》劇同《多功能老婆》我都係睇咗一、兩集，可能佢哋表現好過我呢，同埋係監製話我哋套劇係全年最高收視，所以我就特登返嚟撐場。」