首提名即攞獎！《愛回家》周嘉洛勇奪男配

無綫《萬千星輝頒獎典禮2019》，最佳男配角由《愛．回家之開心速遞》的「金城安」周嘉洛半爆冷贏得，是他首度提名即奪獎，一眾《愛》劇家人包括即上前攬攬祝賀。周嘉洛說：「各位！我本身以為最佳劇集先有機會上台，我其實有綵排過自己，但真係冇諗過會有獎，呢個獎係屬於《愛》劇台前幕後，同埋同我哋經歷三年嘅香港人！」

他又特別多謝高層曾勵珍、樂易玲、《愛》劇幕後人員、劇中一眾合作演員以及媽咪。最後他說：「就算金城安係廢青，都多謝大家支持，呢個廢青有佢嘅價值！」台下劇中女友林凱恩及阿姨蘇韻姿感動得喊到變豬頭。

唔少網民都留言恭喜嘉洛，仲話「廢青」終於成功，簡直感動到想喊，非常支持佢！不過有啲網民話佢未夠班，拎飛躍進步就合理啲！