歐陽德勛客串電視劇：好大壓力

歌手歐陽德勛與太太蔡立兒今日現身ViuTV音樂節目《Chill Club》錄影，歐陽德勛最近客串電視劇《打天下》，他表示演員中不乏打得之人，幸好自己只有文戲，沒有武打動作：「我喺套劇飾演文頌嫻前夫，監製叫我放鬆演出就得，但佢話呢套係文頌嫻復出嘅第一套劇集，搞到我好大壓力，文頌嫻好好人，同我研究劇本又解釋個角色畀我聽。」

至於蔡立兒透露今次有機會跟組合太極的成員Joey Tang（鄧建明）合作，她稱兩人相識多年：「我好細個就同太極合唱，當時我仲係學生，着住校服去錄音。反而大家喺電視台合作就係第一次。」她又指今次還帶同學生羅沛琪一齊合唱。