攞獎未有時間慶祝　李施嬅香港過「肥」年

藝人李施嬅出席慈善家晚宴，以無綫劇集《金宵大廈》中「Coco姐」造型亮相的她，笑言此乃獲得「最受歡迎電視女角色」後的工作，認為客戶對她甚有信心。

談到於頒獎禮獲得兩個獎項，施嬅表示昨晚完成工作已是零晨二時，再加上今日全日工作，故尚未有時間慶祝，更說：「聽日又飛北京一星期做動作訓練，返嚟先同班好姊妹慶祝！（新年有冇假放？）會喺香港過年，之後再飛幾轉就去加拿大拍劇，完咗就拍電影！（過肥年？）係肥美嘅豬年！（點獎勵自己？）都想去旅行，之前都係趁工作偷兩日去滑雪，今年係好開心，因為可以喺自己成長地方得到肯定，希望鼠年可以更好啦！」